E vendosur në kryqëzimin historik ndërmjet Perandorisë Romake të Lindjes dhe të Perëndimit, midis botës helene dhe asaj sllave të jugut, në skajin perëndimor të hapësirës osmane dhe pranë piketave veneciane të Adriatikut Lindor, si dhe më pas në vijat kufitare të Luftës së Ftohtë në Mesdhe, përvoja myslimane shqiptare është formuar në një hapësirë unikale kufitare.

Gjatë shekujve ajo ka prodhuar një model kulturalisht të pasur evropiane të bashkëjetesës në kontekste shumë-fetare e multietnike, duke ofruar mësime të çmuara për shoqëritë pluraliste të sotme. Instituti Konak kërkon ta kultivojë këtë trashëgimi. Përmes ruajtjes së trashëgimisë, edukimit rigoroz dhe kërkimit shkencor, ne synojmë të krijojmë një platformë publike që dokumenton, ruan dhe interpreton trashëgiminë islame shqiptare; nxit kërkimin dhe dialogun ndërdisiplinor e ndërkomunitar; dhe forcon edukimin e komunitetit përmes ekspozitave, botimeve dhe programeve.

Synimi ynë është të kujdesemi për kujtesën historike, të ushqejmë mirëkuptimin dhe të pajisim brezat e ardhshëm me mundësinë për të jetuar me mençuri e kreativitet në një botë të larmishme.